AAP માટે મોટા સમાચાર / ગૃહ વિભાગનો મહત્વનો નિર્ણય, AAPના તમામ કાર્યક્રમને મળશે પોલીસ બંદોબસ્ત

ગુજરાત ટોપ ન્યૂઝ

રાજ્યના ગૃહ વિભાગે તાજેતરમાં જ આમ આદમી પાર્ટીને લઇને મહત્વનો નિર્ણય કર્યો છે. આગામી દિવસોમાં રાજ્યમાં આમ આદમી પાર્ટીના તમામ કાર્યકમમાં હવે ચુસ્ત પોલીસ બંદોબસ્ત રહેશે. રાજ્યમાં છાશવારે આમ આદમી પાર્ટીના કાર્યકમ દરમ્યાન નેતાઓ પર હુમલા થયા છે જેના કારણે આ મહત્વનો નિર્ણય લેવામાં આવ્યો છે.

ગૃહ વિભાગે આમ આદમી પાર્ટીને સુરક્ષા આપવાની ખાતરી આપી

ઉલ્લેખનીય છે કે, 2 દિવસ પહેલા જૂનાગઢના વિસાવદર ખાતે આમ આદમી પાર્ટીની ગાડીઓ પર હુમલો થયો હતો. જૂનાગઢ જિલ્લાના વિસાવદર તાલુકામાં આપના નેતાઓ પર હુમલો કરવામાં આવ્યો હતો. આપના નેતા ઇસુદાન ગઢવી, પ્રવીણ રામ અને મહેશ સવાણી સહિતના આપના નેતાઓ પર હુમલો થયો હતો. ત્યારે હવે આ હુમલા થયાના 48 કલાક બાદ ગૃહ વિભાગે આમ આદમી પાર્ટીને સુરક્ષા આપવાની ખાતરી આપી છે.

હુમલા બાદ આખી રાત આમ આદમી પાર્ટીના કાર્યકરો તથા હોદ્દેદારો  સંખ્યામાં હાજર રહ્યા હતા

વિસાવદરના લેરિયા ગામે આપના કાફલા પર થયેલા હુમલા બાદ આખી રાત હાઇવોલ્ટેજ ડ્રામા જોવા મળ્યો હતો. આપના નેતા ઈશુદાન ગઢવી, ગોપાલ ઇટાલીયા સહિતના નેતાઓએ પોલીસ સ્ટેશનનો ઘેરાવ કર્યો હતો. આપના નેતાઓએ રાત પોલીસ સ્ટેશનમાં જમીન પર સૂઈ રાત વીતાવી પડી હતી. આ સાથે ન્યાય નહીં મળે તો દીલ્હીથી અરવિંદ કેજરીવાલ આવશે તેવી પણ ચિમકી ઉચ્ચારતા પોલીસ તંત્ર પણ હરકતમાં આવ્યું હતું. જો કે, હવે રાજ્યના ગૃહ વિભાગે આપ પાર્ટીની સુરક્ષાને લઇને મોટો નિર્ણય લીધો છે.

Leave a Reply

Your email address will not be published.