પોપટ માટે જીવન દાવ પર / પોપટ શોધી લાવો અને એક લાખ લઇ જાઓ, જુઓ ખોવાયેલા પોપટ માટે પત્નીએ ખાવા-પીવાનું છોડ્યું, જુઓ વિડિઓ શા માટે આ પોપટ હતો ખાસ

ટોપ ન્યૂઝ ઇન્ડિયા

રાજસ્થાનના સીકર શહેરમાં પક્ષી પ્રેમીની એક અનોખી ઘટના સામે આવી છે. શહેરના મોટા હાર્ટ સર્જન ડૉ. વીકે જૈનનો પોપટ ત્રણ દિવસ પહેલાં ગુમ થઈ ગયો તો પત્નીએ ખાવા-પીવાનું છોડી દીધું છે. પોપટને શોધવા માટે ડોક્ટરે લાખો રૂપિયા ખર્ચ કરી દીધા છે. તેમણે ન્યૂઝ પેપરના ફ્રન્ટ પેજ પર ગુમ થયાની જાહેરાત આપી છે. શહેરમાં પોસ્ટર-પેમ્ફલેટ વહેચ્યાં છે, સોશિયલ મીડિયા ઉપર મેસેજ પણ વાયરલ થયો છે.

એટલું જ નહીં, પોપટ શોધી આપનારને રૂ. એક લાખનું ઈનામ પણ જાહેર કરવામાં આવ્યું છે. ડૉ. વીકે જૈનનું કહેવું છે કે, જે અમને પોપટ શોધી આપશે તેને હું ખુશી ખુશી એક લાખ આપવા તૈયાર છું. પરિવારના લોકો અને હોસ્પિટલનો સ્ટાફ પણ તેને દિવસ-રાત શોધી રહ્યા છે.

એક હજાર કરતા વધારે શબ્દ બોલતો હતો
ડૉ. જૈને જણાવ્યું કે, આ પ્રકારના પોપટ દુર્લભ પ્રજાતિ છે. તે એક હજાર કરતા વધારે શબ્દ બોલતો હતો. દરેક સાથે વાત કરતો હતો, કઈક પૂછીએ તો જવાબ પણ આપતો હતો. તેના જવાથી દીકરો-વહુ અને દિકરી પણ ઉદાસ થઈ ગયા છે. પત્ની રડતા રડતા બસ તેના આવવાની રાહ જોવે છે.

ટેરેસ પર સફરજ ખવડાવતી વખતે ઉડી ગયો
ડૉ. જૈનની પત્ની ડૉય અર્ચનાએ જણાવ્યું કે, હોસ્પિટલની ઉપર જ તેમનું ઘર છે. ત્રણ દિવસ પહેલાં જ ટેરેસ પર તેઓ પોપટને સફરજન ખવડાવતા હતા. આ દરમિયાન જ તે ઉડી ગયો અને પછી પાછો જ ના આવ્યો. ત્રણ દિવસથી પોપટને શોધી રહ્યા છીએ પરંતુ હજી સુધી એની કોઈ માહિતી મળી નથી.

2 વર્ષ પહેલાં 80 હજારમાં ખરીદ્યા હતા 2 પોપટ
ડૉ. જૈને જણાવ્યું કે, બે વર્ષ પહેલાં આફ્રિકન ગ્રે કલરનું પોપટની જોડ રૂ. 80 હજારમાં ખરીદી હતી. એકનું નામ કોકો રાખવામાં આવ્યું હતું. બે વર્ષથી કોકો ઘરના સભ્ય જેવુ બની ગયું હતું. તેના જતા રહેવાથી ઘર ખાલી ખાલી થઈ ગયું હોય તેવું લાગે છે.

સીરિંજથી પીવડાવતા હતા દૂધ અને જ્યુસ
કોકો પરિવાર સાથે એટલો હળીમળી ગયો હતો કે જ્યારે ઘરના લોકો જમવા બેસે ત્યારે એ પણ બાજુમાં બેસી જતો હતો. ડૉક્ટર જૈને જણાવ્યું કે, અમે તેને સીરિંજથી દૂધ અને જ્યૂસ પીવડાવતા હતા.

ફાર્મ હાઉસમાં ઘણા પશુ-પક્ષી પાળ્યા છે
ડૉ. જૈનને પશુ-પક્ષી પાળવાનો શોખ છે. તેમણે તેમના ફાર્મ હાઉસમાં બતક, પોપટ, કબૂતર, ખીસકોલી, બિલાડી, કુતરા, ઘોડા સહિત ઘણાં પશુ-પક્ષીઓ પાળ્યા છે.


નીચે આપેલી લીંક પર ક્લિક કરીને જોડાઓ VS24 News સાથે. 

👉 અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 👈

👉  વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.👈


નોંધ : આ વેબસાઇટ પર આપેલા તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો અન્ય સોર્સ ઉપરથી લીધેલી હોઈ શકે છે. અમારો પ્રયત્ન તમને સતત શ્રેષ્ઠ અને સચોટ માહિતી પહોંચાડવાનો છે અને આગામી સમયમાં પણ રહેશે. અમારું પેજ “VS24 News” પર સારા સારા સમાચાર મેળવતા રહો અને શેર કરતા રહો!

Leave a Reply

Your email address will not be published.