હવે ગુંડાની જેમ પ્રેમી પંખીડાઓ બન્યા બેફામ / સુરતમાં વધુ એક તરફી પ્રેમીએ પરણિત પ્રેમિકાના પતિને આપ્યું દર્દનાક મોત : જુઓ હત્યાનો LIVE વિડીયો

ટોપ ન્યૂઝ સુરત

તાજેતરમાં સુરતમાં દિવસેને દિવસે હત્યાની ઘટનાઓ વધી રહી છે. ત્યારે પલસાણા ખાતે ઇકો ટેક્સટાઇલ પાર્કમાં આવેલી રતન પ્રિયા મિલમાં કામ કરતાં યુવાનની કાપડના તાકા નીચે સડી ગયેલી દુર્ગંધ મારતી લાશ મળી આવતા ચકચાર મચી હતી. પોલીસ દ્વારા મિલના સીસીટીવીની ચકાસણી કરવામાં આવતા તેને તેની સાથે કામ કરતાં શખ્સે કાપડના તાકામાં નાંખી દાટી દઈ હત્યા કરી હોવાનું સામે આવ્યું છે. પ્રાથમિક તપાસમાં મરનારની પત્ની સાથે હત્યા કરનારને એક તરફી પ્રેમ હોવાનું જણાયું છે.

આકાશબાબુ રામ બહાદુર કોરી તેની પત્ની સાથે પલસાણા તાલુકાના ઈટાલવા ગામે કાઠિયાવાડી હોટલની પાછળના મકાનમાં રહેતો હતો અને ઈકો ટેક્સટાઈલ પાર્કમાં આવેલી રતન પ્રિયા મિલમાં નોકરી કરતો હતો. લક્ષ્મણ ગિરજાશંકર આરક પણ આકાશબાબુ સાથે કામ કરતો હતો. લક્ષ્મણને આકાશબાબુની પત્ની ગમતી હોવાથી તે એકતરફી પ્રેમમાં હતો. લક્ષ્મણે અગાઉ આકાશબાબુની પત્નીને છેડતી કરવા પ્રયત્ન કરતાં આકાશબાબુ તથા તેના વતનમાં અન્ય લોકો દ્વારા ઠપકો આપવામાં આવ્યો હતો. જે હજી સુધી લક્ષ્મણના મનમાં હતું.

14મીએ સોમવારે રાત્રે આકાશબાબુ અને લક્ષ્મણ મિલમાં કામ કરી રહ્યા હતા. આ દરમિયાન મધરાતે આકાશબાબુ કપડાના તાકા પાસે જ સૂઈ ગયા હતા. તે સમયે લક્ષ્મણે આકાશબાબુ પર તાકા નાખી દિહ હતા. આકાશબાબુનું દટાઈ જતા મોત નીપજ્યું હતું. આ દરમિયાન ગુરૂવાર સવારે કાપડના તાકામાંથી દુર્ગંધ આવતા કાપડના તાકા ખસેડતા આકાશબાબુની સડી ગયેલી લાશ મળી આવી હતી. પોલીસ દ્વારા પ્રથમ અકસ્માત મોતનો ગુનો નોંધી કાર્યવાહી કરવામાં આવી હતી.

જ્યારે મિલમાં લગાવેલા સીસીટીવી કેમેરાના ફૂટેજ ચેક કરી રહ્યા હતા ત્યારે આકાશબાબુ સૂતો હતો લક્ષ્મણ કપડાના તાકા તેની પર નાખતા જોવા મળતા પોલીસ દ્વારા લક્ષ્મણને પકડી લેવામાં આવ્યો હતો. પોલીસ દ્વારા પ્રાથમિક પૂછપરછ દરમિયાન, લક્ષ્મણે કબૂલાત કરી હતી કે તે આકાશબાબુની પત્ની સાથે પ્રેમમાં હતો અને તેને એક વખત પકડવા જતાં આકાશબાબુ અને તેના વતનના અન્ય લોકોએ ઠપકો આપતાં મનમાં અદાવત રાખી હત્યા કરી છે. પોલીસ દ્વારા આ અંગે અકસ્માત બાદ હત્યાનો ગુનો નોંધવામાં આવ્યો છે.


નીચે આપેલી લીંક પર ક્લિક કરીને જોડાઓ VS24 News સાથે. 

👉 અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 👈

👉  વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.👈


નોંધ : આ વેબસાઇટ પર આપેલા તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો અન્ય સોર્સ ઉપરથી લીધેલી હોઈ શકે છે. અમારો પ્રયત્ન તમને સતત શ્રેષ્ઠ અને સચોટ માહિતી પહોંચાડવાનો છે અને આગામી સમયમાં પણ રહેશે. અમારું પેજ “VS24 News” પર સારા સારા સમાચાર મેળવતા રહો અને શેર કરતા રહો!

Leave a Reply

Your email address will not be published.