અરે બાપરે / છેડતીના આરોપમાં હાથ-પગ બાંધીને જાણે-અજાણે યુવકને આપી દીધી તાલીબાની સજા : જુઓ દિલધડક વિડીયો

ઇન્ડિયા ટોપ ન્યૂઝ

હાલમાં મધ્યપ્રદેશ(Madhya Pradesh) ગુના(guna)માં છોકરીની છેડતીની શંકામાં એક યુવકને તાલિબાની સજા આપવામાં આવી છે. યુવતીના પરિવારજનોએ યુવકના હાથ-પગ બાંધીને તેને રસ્તા પર ખેંચી લીધો અને માર માર્યો. આ ભીડ વચ્ચે એક યુવતીએ પણ તેના પર લાકડીઓ વડે હુમલો કર્યો હતો. આ દરમિયાન યુવકનો પુત્ર અને પત્ની તેને છોડી દેવાની આજીજી કરતા રહ્યા.

7 વર્ષનો પુત્ર કહેતો રહ્યો- મારા પિતાને છોડી દો, પરંતુ આરોપીએ છોડ્યો જ નહી. આ દરમિયાન રસ્તા પરના કેટલાક લોકો આનો વીડિયો બનાવતા રહ્યા હતા. મામલો શહેરના નાનાખેડી વિસ્તારનો છે. સાહુ અને ધાકડ પરિવાર સામસામે રહે છે. એક વર્ષ પહેલા પણ તેમની વચ્ચે કોઈ મુદ્દે ઝઘડો થયો હતો. તે સમયે પણ એફઆઈઆર થઈ હતી. શુક્રવારે સવારે સાહુ પરિવારે અજય ધાકડ (30) પર તેમના ઘરની દીકરીની છેડતી કરવાનો આરોપ લગાવ્યો હતો. યુવતીના પરિવારજનો અજયના ઘરે પહોંચ્યા અને તેને પકડીને બહાર લાવ્યા.

યુવતીના પરિવારજનોએ અજયના હાથ-પગ બાંધી દીધા અને તેને રસ્તા પર લાંબો સમય સુધી ખેંચી ગયા. આ પછી તેઓએ અજયને લાકડીઓ વડે માર માર્યો હતો. યુવતીએ પણ અજયના પગ પર લાકડીઓ વડે માર માર્યો હતો. અજયની પત્ની અને પુત્ર આજીજી કરતા રહ્યા, પરંતુ યુવતીના પરિવારજનોએ સાંભળ્યું નહીં. મહિલાઓએ પણ તેને લાકડીઓ વડે માર માર્યો હતો.

 

માર મારવામાં અજય ગંભીર રીતે ઘાયલ થયો હતો. તે બેહોશ થઈ ગયો. તેને બચાવવા જતાં તેની પત્નીને પણ ઈજા થઈ હતી. આરોપી ચાલ્યા ગયા બાદ અજય અને તેની પત્ની રીના ધાકડને હોસ્પિટલમાં દાખલ કરવામાં આવ્યા હતા. અજય હોસ્પિટલમાં બોલી પણ ન શક્યો.

આશ્ચર્યની વાત એ છે કે, આ સમગ્ર ઘટના દરમિયાન લોકો મંત્રમુગ્ધ રહ્યા. યુવક અજયને બચાવવા કોઈ આગળ ન આવ્યું. કેટલાક લોકો વીડિયો પણ બનાવતા રહ્યા. વીડિયો સામે આવ્યા બાદ પોલીસ સક્રિય થઈ અને કાર્યવાહી હાથ ધરવામાં આવી હતી. પોલીસ દ્વારા કેટલાક આરોપીઓની ધરપકડ પણ કરવામાં આવી છે.


નીચે આપેલી લીંક પર ક્લિક કરીને જોડાઓ VS24 News સાથે. 

👉 અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 👈

👉  વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.👈


નોંધ : આ વેબસાઇટ પર આપેલા તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો અન્ય સોર્સ ઉપરથી લીધેલી હોઈ શકે છે. અમારો પ્રયત્ન તમને સતત શ્રેષ્ઠ અને સચોટ માહિતી પહોંચાડવાનો છે અને આગામી સમયમાં પણ રહેશે. અમારું પેજ “VS24 News” પર સારા સારા સમાચાર મેળવતા રહો અને શેર કરતા રહો!

Leave a Reply

Your email address will not be published. Required fields are marked *