અરરર…આવું થોડું કરાય / શાહરૂખ ખાનના લાડલા આર્યન ખાને નશામાં ધૂત થઈને એરપોર્ટ પર કર્યો પેશાબ? જુઓ વિડિઓ અને જાણો શું છે હકીકત

ટોપ ન્યૂઝ બોલિવૂડ

ગયા વર્ષે એટલે કે વર્ષ 2021માં બોલિવૂડ સુપરસ્ટાર શાહરૂખ ખાનના પુત્ર આર્યન ખાનની ડગ લેવાના આરોપમાં નાર્કોટિક્સ કંટ્રોલ બ્યુરો (NCB) દ્વારા ધરપકડ કરવામાં આવી હતી. આ કેસમાં આર્યનને લગભગ 1 મહિનો જેલમાં પણ રહેવું પડ્યું હતું. હવે આર્યન ફરી એકવાર સોશિયલ મીડિયા પર ચર્ચામાં આવ્યો છે. વાસ્તવમાં સોશિયલ મીડિયા પર એક વીડિયો વાયરલ થઈ રહ્યો છે જેમાં દેખાઈ રહેલ વ્યક્તિ આર્યન ખાન જેવો જોવા મળી રહ્યો છે. સોશિયલ મીડિયા પર વાયરલ થઈ રહેલા આ વીડિયોમાં એક વ્યક્તિ નશાની હાલતમાં અમેરિકાના એરપોર્ટ પર પેશાબ કરતો જોવા મળે છે.

સોશિયલ મીડિયા યુઝર્સ વીડિયોમાં જોવા મળેલા વ્યક્તિને આર્યન ખાન કહી રહ્યા છે અને આ વીડિયો શેર કરી રહ્યા છે. આ વીડિયોને શેર કરીને ઘણા લોકો આર્યન ખાનને ટ્રોલ કરી રહ્યા છે. જો કે, કેટલાક લોકો એવા છે કે જેઓ આર્યન ખાનના નામને બદનામ કરવા પર વાંધો ઉઠાવી રહ્યા છે. જો કે, હકીકત એ છે કે જાહેરમાં પેશાબ કરનાર આ વ્યક્તિ આર્યન ખાન નથી પરંતુ પ્રખ્યાત હોલીવુડ ફિલ્મ ‘ટ્યુબલાઇટ’માં કામ કરનાર એક્ટર બ્રોન્સન પેલેટિયર છે.

સોશિયલ મીડિયામાં હાલમાં એક વીડિયો ક્લિપ વાઇરલ થઈ છે. આ વીડિયો અંગે સો.મીડિયા યુઝર્સે દાવો કર્યો હતો કે તે આર્યન ખાન છે. ક્લિપમાં એક વ્યક્તિ દારૂના નશામાં એરપોર્ટ પર પેશાબ કરતો હોય છે અને એક વ્યક્તિ તેને અટકાવે છે. આ ક્લિપના નામે સો.મીડિયા યુઝર્સ આર્યન ખાનને ટ્રોલ કરી રહ્યા છે.

સો.મીડિયામાં યુઝર્સે આ રીતે પોસ્ટ કરી
કેટલાંક યુઝર્સે દાવો કર્યો હતો કે વીડિયોમાં જે વ્યક્તિ દેખાય છે તે આર્યન ખાન છે. આર્યન ખાને અમેરિકાના એરપોર્ટ પર જાહેરમાં પેશાબ કર્યો હતો. તે નશામાં ધૂત હતો. કેટલાંક યુઝર્સે એવી પોસ્ટ કરી હતી, ‘2019 અમેરિકામાં આર્યન ખાનનું અન્ય વર્ઝન. તે પણ ડ્રગ એડિક્ટ છે. તે એરપોર્ટ લોબી/પેસેજમાં યુરિન કંટ્રોલ કરી શક્યો નહીં અને જાહેરમાં બાથરૂમ ગયો. સમીર વાનખેડે ઝિંદાબાદ…’

આ વીડિયો વર્ષ 2012નો છે જ્યારે બ્રોન્સને લોસ એન્જલસ એરપોર્ટ પર નશાની હાલતમાં જાહેરમાં પેશાબ કર્યો હતો. જણાવી દઈએ કે આર્યન ખાનની NCB દ્વારા 3 ઓક્ટોબરે ધરપકડ કરવામાં આવી હતી. આ પછી આર્યન ખાન લગભગ 1 મહિના સુધી આર્થર રોડ જેલમાં રહ્યો. બાદમાં બોમ્બે હાઈકોર્ટે આર્યનને જામીન પર મુક્ત કરવાનો આદેશ આપ્યો હતો. વર્ષ 2021માં આર્યન ખાન ગૂગલ પર બીજા નંબરની સૌથી વધુ સર્ચ કરવામાં આવતી સેલિબ્રિટી બની ગયો હતો.

શું છે સચ્ચાઈ?
વીડિયો આર્યન ખાનના નામે વાઇરલ થયો છે, પરંતુ વીડિયોમાં જે વ્યક્તિ દેખાય છે તે આર્યન ખાન નથી. ખરી રીતે તે વ્યક્તિ હોલિવૂડ ફિલ્મ ‘ટ્વાઇલાઇટ’ ફૅમ કેનેડિયન એક્ટર બ્રોન્સન પેલેટિયર છે. આ ક્લિપ ડિસેમ્બર, 2012ની છે. બ્રોન્સને લોસ એન્જલસ ઇન્ટરનેશનલ એરપોર્ટની લોબીમાં પેશાબ કર્યો હતો. બ્રોન્સનને જાહેરામાં યુરિન જવા બદલ કોર્ટે સજા પણ ફટકારી હતી. કોર્ટે 2 વર્ષ પ્રોબેશનની સજા ફટકારી હતી. આ ઉપરાંત તેણે સાડા છ મહિના સુધી 52 AA (આલ્કોહોલિક અનૉનિમસ) મિટિંગ્સમાં અઠવાડિયામાં બે વાર હાજર રહેવાનું ફરમાન કરવામાં આવ્યું હતું.

કેટલાંક યુઝર્સ બચાવમાં આવ્યા હતા
સો.મીડિયામાં આર્યન ખાનના નામે વીડિયો વાઇરલ થતાં કેટલાંક યુઝર્સ શાહરુખના દીકરાના બચાવમાં આવ્યા હતા. અનેક યુઝર્સે સ્પષ્ટતા કરી હતી કે આ વીડિયોમાં શાહરુખનો દીકરો નથી. અન્ય એક યુઝરે કહ્યું હતું કે આ આર્યન નથી. કોઈ અન્ય વ્યક્તિ છે. મહેરબાની કરીને તેને બદનામ ના કરશો. માણસાઈ દાખવો.


નીચે આપેલી લીંક પર ક્લિક કરીને જોડાઓ VS24 News સાથે. 

👉 અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 👈

👉  વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.👈


નોંધ : આ વેબસાઇટ પર આપેલા તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો અન્ય સોર્સ ઉપરથી લીધેલી હોઈ શકે છે. અમારો પ્રયત્ન તમને સતત શ્રેષ્ઠ અને સચોટ માહિતી પહોંચાડવાનો છે અને આગામી સમયમાં પણ રહેશે. અમારું પેજ “VS24 News” પર સારા સારા સમાચાર મેળવતા રહો અને શેર કરતા રહો!

Leave a Reply

Your email address will not be published.