સુરતમાં અમેરિકામાં રહેતા યુવક સાથે દીકરીના લગ્ન કરાવ્યા બાદ સાસરિયાએ 50લાખનું દહેજ માગ્યું હોવાનો કિસ્સો સામે આવ્યો છે. આ મામલે પતિ અને સાસરિયાઓ વિરુદ્ધ યુવતીએ ફરિયાદ નોંધાવી છે. અત્રે ઉલ્લેખનિય છે કે, લગ્ન બાદ 10 દિવસ હનિમૂન માટે આંદામાન-નિકોબાર ગયા હતા.
અંદમાન નિકોબાર ગયા પછી પાંચ દિવસ બાદથી પતિ અને સાસુ-સસરા અમેરિકા ચાલ્યા ગયા હતા. ત્યારબાદથી પતિએ માત્ર એકવાર પહેલી એનિવર્સિરીના દિવસે જ પરત આવ્યો હતો અને ફરી પરત અમેરિકા જતો રહ્યો હતો. સુરતના પીપલોદ વિસ્તારમાં રહેતી 26 વર્ષીય યુવતીએ મહિલા પોલીસ મથકમાં સ્ત્રી અત્યાચાર અને દહેજની માગની પતિ સહિત સાસરિયા સામે ફરિયાદ નોંધાવી છે.
ફરિયાદમાં જણાવ્યું હતું કે, તેના લગ્ન જહાંગીરપુરા ઇચ્છાનાથ સોસાયટીમાં રહેતા અને અમેરિકા સ્થાયી થયેલા કંદર્પ કુમાર જગદીશ મિસ્ત્રી સાથે ફેબ્રુઆરી-2020માં થયા હતા. લગ્ન બાદ આંદામાનમાં હનીમૂન મનાવ્યાના પાંચ દિવસ બાદ પત્નીને સુરત મૂકી પતિ કંદર્પ માતા અને પિતા સાથે પરત અમેરિકા જતો રહ્યો હતો. થોડાક જ સમયમાં પત્નીને પણ અમેરિકા બોલાવી લેવા માટેની ફાઇલ મૂકશે તેવું કહ્યું હતું.
જહાંગીરપુરામાં વયોવૃદ્ધ કાકા સસરા અને કાકી સાસુ એકલા રહેતાં હોય દર અઠવાડિયે તેમની ખબર કાઢવા જતા અમેરિકા ગયેલો પતિ એક વર્ષ સુધી સુરત આવ્યો ન હતો. આ સાથે જ 50 લાખના દહેજની માગ કરી હતી. પહેલી મેરેજ એનિવર્સરીએ સુરત આવેલો પતિ થોડાક દિવસ માટે દુબઇ ફરવા લઇ જઇ પરત સુરત મૂકી ગયો હતો. અમેરિકા પરત જતાં જ પતિ અને સાસુ-સસરાએ પચાસ લાખ લઇ આવવા દબાણ શરૂ કર્યું હતું.
સુરતમાં રહેતા કાકા સસરા અને કાકી સાસુએ પણ તેમાં મદદગારી કરી હતી. બે વર્ષ સુધી પરણીને અમેરિકા લઇ જવાને બદલે અમેરિકા બોલાવવા માટે જે ફાઇલ મૂકી હતી.તે પણ કેન્સલ કરી દીધી હતી. અમેરિકામાં રહેતા પતિ અને સાસરિયાઓ ફોન કરીને ત્રાસ આપતા મહિલા પોલીસ સ્ટેશનમાં ફરિયાદ નોંધાવી હતી.
નીચે આપેલી લીંક પર ક્લિક કરીને જોડાઓ VS24 News સાથે.
👉 અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 👈
👉 વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.👈
નોંધ : આ વેબસાઇટ પર આપેલા તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો અન્ય સોર્સ ઉપરથી લીધેલી હોઈ શકે છે. અમારો પ્રયત્ન તમને સતત શ્રેષ્ઠ અને સચોટ માહિતી પહોંચાડવાનો છે અને આગામી સમયમાં પણ રહેશે. અમારું પેજ “VS24 News” પર સારા સારા સમાચાર મેળવતા રહો અને શેર કરતા રહો!
