BREAKING NEWS / દેશના આ મોટા રાજ્યમાં સ્કૂલ-કૉલેજો અને વેપાર-ધંધા આવતીકાલથી બંધ કરવા મુખ્યમંત્રીનો આદેશ, જાણો સંપૂર્ણ વિગતો

ઇન્ડિયા ટોપ ન્યૂઝ

પશ્ચિમ બંગાળમાં વધી રહેલા કોરોના સંક્રમણને લઇને હવે નવો નિર્ણય લેવામાં આવ્યો છે. મુખ્યમંત્રી મમતા બેનર્જીએ કૉવિડ-19 પ્રૉટોકૉલને વધુ કડક કરતા આવતીકાલથી મોટાભાગના ધંધા રોજગાર અને શાળા કૉલેજોને બંધ કરવાનો કડક આદેશ આપ્યો છે. કોરોના મહામારીને ફરી એકવાર કાબુ કરવા માટે મમતા બેનર્જીએ નવી ગાઇડલાઇન જાહેર કરી છે.

પશ્ચિમ બંગાળમાં નવી ગાઇડ લાઇન પ્રમાણે, હવે આવતીકાલથી રાજ્યમાં સ્કૂલ-કૉલેજોને સંપૂર્ણપણે બંધ રાખવાનો આદેશ અપાયો છે. આ ઉપરાંત રાજ્યમાં ધંધા રોજગાર પર પણ પ્રતિબંધો લગાવવામાં આવ્યા છે, આવતીકાલથી રાજ્યમાં સ્પા, બ્યૂટી પાર્લર, ઝૂ, એન્ટરટેન્ટમેન્ટ પાર્ક વગેરેને બંધ કરવાનો આદેશ અપાયો છે, એટલુ જ નહીં ઓફિસોમાં પણ 50 ટકા સ્ટાફ સાથે કામ કરવા માટેની નવી ગાઇડલાઇન આપવામાં આવી છે. રાજ્યમાં માસ્ક અને સેનિટાઇઝર સાથે સોશ્યલ ડિસ્ટન્સને કડક કરી દેવામાં આવ્યુ છે.

ઉલ્લેખનીય છે કે, પશ્ચિમ બંગાળમાં ફરી એકવાર કોરોનાએ ઉથલો માર્યો છે, જેના કારણે મમતા બેનર્જીના રાજ્ય પશ્ચિમ બંગાળમાં કોરોનાએ ટેન્શન વધારી દીધુ છે. શનિવારે કોરોના સંક્રમિણના એકાએક 4,512 કેસો સામે આવતા લોકોમાં ગભરાટ પેસી ગયો છે, જે આગળના દિવસની સરખામણીમાં 1,061 કેસો વધુ છે.

પશ્ચિમ બંગાળની રાજધાની કોલકત્તામાં 2,398 કોરોના સંક્રમણના નવા કેસો સામે આવ્યા છે. પશ્ચિમ બંગાળમાં શુક્રવારે 3,451 કેસો સામે આવ્યા હતા. જેમાં કોલકત્તામાંથી 1,954 કેસો હતા. મહામારીથી મરનારાઓમાં કોલકત્તા તથા ઉત્તર 24 પરગણામાંથી બે-બે લોકો છે. રાજ્યમાં સંક્રમણનો રેટ છેલ્લા દિવસોમાં 8.46 ટકાથી વધીને 12.02 ટકા થઇ ગયો છે. રાજ્યમાં સ્વાસ્થ્ય વિભાગના એક બુલેટીન અનુસાર, કોલકત્તા બાદ ઉત્તર 24 પરણાનામાંથી સર્વાધિક કેસો સામે આવ્યા છે, અને આ સંખ્યા 688 છે, જે છેલ્લા દિવસો કરતા 496 થી વધુ છે. સતત વધી રહેલા કેસોની વચ્ચે રિપોર્ટ છે કે મુખ્યમંત્રી મમતા બેનર્જી આને લઇને આજે લૉકડાઉન લાદવાની જાહેરાત કરી શકે છે, કે પછી અમૂક પ્રકારના પ્રતિબંધો પણ લાગી શકે છે.

પશ્ચિમ બંગાળમાં કોરોના નવા વેરિએન્ટ ઓમિક્રૉનના બે વધુ કેસો સામે આવ્યા છે. જે પછી રાજ્યમાં આની કુલ સંખ્યા 16 થઇ ગઇ છે. સ્વાસ્થ્ય અધિકારીએ બતાવ્યુ કે એક સંક્રમિત ઓડિશાથી આવ્યો જ્યારે એક અન્ય વ્યક્તિ રાજ્યના ઉત્તર 24 પરગના જિલ્ના પેટ્રૉપૉલમાં ભારત બાંગ્લાદેશ આંતરરાષ્ટ્રીય સીમ પર ઓમિક્રૉનથી સંક્રમિત નીકળ્યો હતો.


નીચે આપેલી લીંક પર ક્લિક કરીને જોડાઓ VS24 News સાથે. 

👉 અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 👈

👉  વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.👈


નોંધ : આ વેબસાઇટ પર આપેલા તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો અન્ય સોર્સ ઉપરથી લીધેલી હોઈ શકે છે. અમારો પ્રયત્ન તમને સતત શ્રેષ્ઠ અને સચોટ માહિતી પહોંચાડવાનો છે અને આગામી સમયમાં પણ રહેશે. અમારું પેજ “VS24 News” પર સારા સારા સમાચાર મેળવતા રહો અને શેર કરતા રહો!

Leave a Reply

Your email address will not be published.