દુનિયામાં વાગશે સુરતનો ડંકો / જુઓ જે વ્યક્તિએ ‘બુર્ઝ ખલીફા’ ની ડિઝાઇન બનાવી તે હવે સુરતમાં આ ઇમારતની ડિઝાઇન બનાવીને વિશ્વભરમાં સુરતનું નામ ગુંજતું કરશે

ટોપ ન્યૂઝ સુરત

ડાયમંડ સિટી સુરત હવે વિશ્વ વિખ્યાત બનવા જઈ રહ્યું છે. કારણકે સુરતમાં મુગલીસરાના સાંકડા રસ્તા પર ચાલતી સુરત મહાપાલિકાની મુખ્ય કચેરી માટે નવું ભવન બનાવવાનો પ્રોજેકટ છેલ્લા આઠ વર્ષથી ટલ્લે ચડી રહ્યો હતો. હવે આ નવા ભવન માટે રિંગ રોડના સબજેલની જગ્યા નક્કી કરવામાં આવી છે. સાથે સાથે આ પ્રોજેકટમાં પ્રગતિ પણ આવી ગઈ છે ત્યારે મનપાનું આ નવું વહીવટી ભવન બનાવવા માટે દુબઇની બુર્ઝ ખલીફા સહિતની વિશ્વની 10 જાણીતી ઇમારતોમાં સ્થાન પામતી ઇમારતોની કન્સલ્ટન્સી કરનારી એજન્સી કન્સલ્ટન્સી કરશે.

મ્યુન્સિપલ કમિશ્નર. બંછાનિધિ પાની દ્વારા આ પ્રોજેક્ટને પ્રાથમિકતા આપવામાં આવી હોય, ટેન્ડર પ્રક્રિયા સુધી આ પ્રોજેક્ટ પહોંચી ચૂક્યો છે. ત્યારે દેશના આઇકોનિક બિલ્ડીંગમાં ગણના પામે તે રીતે આ વહીવટી ભવન બનાવવા માટે આયોજન કરવામાં આવ્યું છે. આ બિલ્ડીંગની હાઇટ 109 મીટરની આસપાસ રહેનાર છે. તેથી નિયમ મુજબ 70 મીટરથી વધુ ઉંચાઇ ધરાવતી ઇમારતો માટે રાજ્ય સરકારે બનાવેલી ટોલ બિલ્ડીંગ એપ્રુવલ કમિટીની મંજૂરી જરૂરીની રાહ જોવાઇ રહી છે.

આ કમિટીની હવે પછીની મીટિંગમાં મંજૂરી મળી જાય કે તુરંત ટેન્ડર ઇસ્યુ કરવાની તૈયારી સુરત મનપાના તંત્રવાહકોએ કરી રાખી છે તેવું કમિ. બંછાનિધી પાનીએ જણાવ્યું હતું. રિંગરોડ સ્થિત જૂની સબજેલવાળી જમીન પર સાકાર થનારા આ પ્રોજેક્ટમાં રાજ્ય તથા કેન્દ્ર સરકારની કચેરીઓને પણ સમાવી લેવા માટે નક્કી કરાયું છે.

અહીં જે બે ટાવરની ઇમારતોનો પ્રોજેક્ટ છે તે ડિઝાઇનને ટોલ બિલ્ડિંગ પોલિસીનો લાભ મળી શકે છે. આથી 3.50ની FSI વધીને હવે 5.4ની FSI મળી શકે તેમ હોવાથી હવે આ પ્રોજેક્ટનું બાંધકામ 14.10 લાખ સ્ક્વેર ફૂટથી વધીને 23.50 લાખ સ્ક્વેર ફૂટ જેટલું થશે. ગુજરાતની આઇકોનિક બિલ્ડિંગ તરીકે નિર્માણ થનારા મનપાના નવા વહિવટી ભવન માટે અમદાવાદની આઇએનઆઇ ડિઝાઇન સ્ટુડિયો કંપની દ્વારા ડિઝાઇન તેમજ તેનું આર્કિટેક્ચર તૈયાર કરાઇ રહ્યું છે.

અંદાજીત 900 કરોડના ખર્ચે સાકાર થનારા આ ભવનને ટોલ બિલ્ડિંગ નોટિફિકેશનનો લાભ મળતાં એફએસઆઇમાં વધારાને પગલે હવે આ ઇમારત 109 મીટરની ઉંચાઇની બનશે જેની મંજુરીની રાહ જોવાઇ રહી છે. તેમજ રાજયની આઇકોનિક બની રહેનારી આ ઇમારતની કન્સલ્ટન્સી સીબીએમ અને લેરા નામની એજન્સીઓને સોંપાનાર છે. જે અમેરિકામાં હેડકવાર્ટર ધરાવે છે, આ એજન્સીઓ એવી છે જેણે બુર્ઝ ખલીફા સહીત વિશ્વની ટોપટેન જાણીતી ઇમારતોની કન્સલ્ટન્સી કરી છે.


નીચે આપેલી લીંક પર ક્લિક કરીને જોડાઓ VS24 News સાથે. 

👉 અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 👈

👉  વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.👈


નોંધ : આ વેબસાઇટ પર આપેલા તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો અન્ય સોર્સ ઉપરથી લીધેલી હોઈ શકે છે. અમારો પ્રયત્ન તમને સતત શ્રેષ્ઠ અને સચોટ માહિતી પહોંચાડવાનો છે અને આગામી સમયમાં પણ રહેશે. અમારું પેજ “VS24 News” પર સારા સારા સમાચાર મેળવતા રહો અને શેર કરતા રહો!

Leave a Reply

Your email address will not be published.