BAPS આવ્યું મદદની વહારે / PM મોદીની અપીલ બાદ યુક્રેનમાં ફસાયેલા ભારતીય વિદ્યાર્થીઓની મદદ માટે BAPS ના સ્વયંસેવકો પહોંચ્યા પોલેન્ડ બોર્ડર, જુઓ આ આઈડિયાથી સૌ કોઈને મદદ પુરી પાડશે

ટોપ ન્યૂઝ વર્લ્ડ

રશિયા-યુક્રેન યુદ્ધ(Russia-Ukraine War): રશિયા(Russia)ના આક્રમણને કારણે ત્રસ્ત યુક્રેનમાંથી જીવ બચાવીને પોલેન્ડમાં આવી ચુકેલા ભારતીયોની સેવામાં BAPS સ્વામિનારાયણ સંસ્થા(BAPS Swaminarayan Sanstha)ના સ્વયંસેવકો દિવસ-રાત જોડાઈ ગયા છે. વડાપ્રધાન શ્રી નરેન્દ્રભાઈ મોદીએ પરમ દિવસે મધ્યરાત્રિએ બ્રહ્મવિહારી સ્વામી ને ફોન કરીને યુક્રેન-પોલેન્ડની સરહદ પર ફસાયેલા ભારતીય વિદ્યાર્થીઓની સંભાળ લેવા માટે સંસ્થાને જણાવ્યું હતું.

BAPS સ્વામિનારાયણ સંસ્થાના અધ્યાત્મિક વડા પરમ પૂજ્ય મહારાજ ના આશીર્વાદથી તાત્કાલિક ધોરણે ચક્રવતી માં કરવામાં આવ્યા અને ગઈકાલે BAPS સ્વામિનારાયણ સંસ્થાના યુરોપ સ્થિત સ્વયંસેવક સરહદ પર પહોંચી ગયા છે. પેરિસ અને સ્વીઝરલેન્ડ થી સતત ૨૨ કલાકનું ડ્રાઈવ કરીને મોબાઈલ કિચન વાન સાથે બીએપીએસ ના અગ્રણી સ્વયંસેવકો ચિરાગભાઈ ગોદીવાલા, શૈલેષભાઈ ભાવસાર તેમજ અન્ય સ્વયંસેવકો યુક્રેન-પોલેન્ડની સરહદ પાસેના રેસ્ઝો નગરમાં પહોંચીને અસરગ્રસ્તોની સેવામાં લાગી ગયા છે.

ભારતીય વિદ્યાર્થીઓએ ભોજન મેળવતાં હાશકારો અનુભવ્યો
કારમી ઠંડીમાં માઈનસ ત્રણ-ચાર ડીગ્રી તાપમાનમાં દિવસોના દિવસો સુધી ચાલીને આવેલા ભારતીય વિદ્યાર્થીઓને અહીં ગરમ ભારતીય ભોજન મળતાં તેઓ રાહતનો હાશકારો અનુભવે છે. કેટલાક વિદ્યાર્થીઓ પોતાનો સામાન ઊંચકીને એક દિવસમાં 40-50 કિલોમીટર અંતર ચાલીને અહીં પહોંચ્યા છે. તેમની આ દયનીય હાલત જોઈને સંસ્થાના સ્વયંસેવકો પણ દ્રવિત થઈ જાય છે. સ્નેહપૂર્વક ગરમ ભોજન અને હૂંફ આપીને બી.એ.પી.એસ.ના સ્વયંસેવકો તેમને નવી જિંદગી આપી રહ્યા છે.

બધી જ કોમ્યુનિટીના વિદ્યાર્થીઓને સમાવવાનો પ્રયાસ
ભારત સરકાર વતી ભારતીય રાજદૂતાવાસે રેસ્ઝો શહેરની પ્રસિદ્ધ હોટલના કોન્ફરન્સ રૂમમાં અસરગ્રસ્ત વિદ્યાર્થીઓને રહેવાની વ્યવસ્થા કરી આપી છે. અહીં ભારતભરના બધી જ કોમ્યુનિટીના વિદ્યાર્થીઓને સમાવવાનો પ્રયાસ કરાઈ રહ્યો છે. બી.એ.પી.એસ.ના સ્વયંસેવકો તેમને આત્મીયતાપૂર્વક મદદ કરી રહ્યા છે.

વિદ્યાર્થીઓ ભારત પરત ન ફરે ત્યાં સુધીની વ્યવસ્થા
અત્રે ઉલ્લેખનીય છે કે વિશ્વમાં જ્યારે જ્યારે પણ આવી પ્રાકૃતિક કે માનવસર્જિત આપત્તિઓ આવી પડે છે ત્યારે આપત્તિગ્રસ્તોની સેવામાં મોખરે રહીને બી.એ.પી.એસ.એ હંમેશાં લોકોના આશીર્વાદ મેળવ્યા છે. જેટલા દિવસ વિદ્યાર્થીઓ ત્યાંથી ભારત આવવા માટે સમય લાગશે એ તમામ દિવસો દરમિયાન તેમની તમામ પ્રકારની વ્યવસ્થા અહીં બીએપીએસના ટ્રસ્ટ દ્વારા કરવામાં આવશે તેમજ બીજા પણ સ્ટુડન્ટ આવે તો તેમના માટે પણ વ્યવસ્થા અત્યારથી જ કરી દેવામાં આવી છે, જેથી કરીને તેમને કોઈ તકલીફ ન થાય.

અત્રે ઉલ્લેખનીય છે કે, વિશ્વમાં જ્યારે જ્યારે પણ આવી પ્રકૃતિ કે માનવ સર્જિત આપત્તિઓ આવી પડે ત્યારે આપત્તિગ્રસ્તોની સેવામાં મોખરે રહીને BAPS સ્વામિનારાયણ સંસ્થા હંમેશા લોકોને મદદ એ આવી પહોંચે છે. ત્યારે ફરી એક વખત હાલના સમયે પણ પોલેન્ડ ખાતે ભારતીય વિદ્યાર્થીઓ BAPS સ્વામિનારાયણ સંસ્થાની ટાણાની સેવાથી રાહતનો અનુભવ કરીને વિદ્યાર્થીઓ અને ભારતમાં વસતા તેમના પરિવારજનો સંસ્થાના સ્વયંસેવકોનો હદયપૂર્વક આભાર માની રહ્યા છે.


નીચે આપેલી લીંક પર ક્લિક કરીને જોડાઓ VS24 News સાથે. 

👉 અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 👈

👉  વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.👈


નોંધ : આ વેબસાઇટ પર આપેલા તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો અન્ય સોર્સ ઉપરથી લીધેલી હોઈ શકે છે. અમારો પ્રયત્ન તમને સતત શ્રેષ્ઠ અને સચોટ માહિતી પહોંચાડવાનો છે અને આગામી સમયમાં પણ રહેશે. અમારું પેજ “VS24 News” પર સારા સારા સમાચાર મેળવતા રહો અને શેર કરતા રહો!

Leave a Reply

Your email address will not be published.