ડ્યુટીની સાથે સમાજ સેવા / IPS ઉષા રાડાએ માતાની હત્યા બાદ કર્યું એવું ઉમદા કામ કે જાણીને સૌ કોઈ બોલી ઉઠશે ‘વાહ ઓફિસર વાહ’ 

ગુજરાત

પોલીસ અને તબીબો એ લોકો હોય છે, જે લોકો સાથે દર્દ સાથે જોડાયેલા હોય છે. તેને નજીકથી જુએ છે. આવામાં અનેક પોલીસ કર્મચારીઓ અને તબીબો લોકોની મદદે સામે આવતા હોય છે. આવા અનેક કિસ્સા છે. જેમા વધુ એક નામ સામેલ થયુ છે. માતાની હત્યાં બાદ નિરાધાર બનેલ બાળકોના વહારે સુરત પોલીસ આવી છે. ગત મહિને બનેલી એક ઘટનામાં નિરાધાર બનેલા ચાર બાળકોને સુરતના એસપી ઉષા રાડાએ તમામ બાળકોની જવાબદારી ઉપાડવાનો નિર્ણય કર્યો છે.

ગત મહિને સુરતના પલસાણાના વરેલી ખાતે સંગીતા લોખંડે નામની વિધવા મહિલાની હત્યા કરવામાં આવી હતી. સગા ભત્રીજાએ જ કાકીને મોતને ઘાટ ઉતારી હતી. હત્યા બાદ મહિલાના ચાર બાળકો નિરાધાર થયા હતા. જેમાં બે પુત્રી અને બે પુત્રીનો સમાવેશ થાય છે. આ બાબતે સુરત એસ.પી. ઉષા રાડાએ અંગત રસ દાખવી બાળકોની વહારે આવ્યા છે. તેમણે સંતાનોનું શિક્ષણ, જીવન ઉછેર, પુનઃવસન કરવાની જવાબદારી ઉપાડી લીધી છે. સુરત એસપી ઉષા રાડાએ આ સરાહનીય પહેલ કરી છે. ચારેય બાળકો પગભર ન થયાં ત્યાં સુધી તેમના જમવા, રહેવાની, તથા અભ્યાસની તમામ જવાબદારી તેમણે ઉપાડી છે. હાલ ચારેય બાળકોને કામરેજ ખાતે આવેલ ‘વાત્સલ્ય ધામ’ ખાતે રખાયા છે.

ગુજરાત પોલીસમાં મહિલા અધિકારી તરીકેની અલગ છબી ધરાવતા ઉષા રાડા દેસાઈ હાલ સુરત ગ્રામ્ય પોલીસ અધિક્ષક તરીકે જવાબદારી નિભાવી રહ્યાં છે. ઉલ્લેખનીય છે કે, સુરત ગ્રામ્ય પોલીસમાં 45 વર્ષમાં પહેલી વાર સુરત ગ્રામ્ય પોલીસ અધિક્ષક તરીકે મહિલા IPS અધિકારી ઉષા રાડા દેસાઈની નિમણુંક કરવામાં આવી છે.

કડક છાપ ધરાવતા ઉષા રાડા કુંટણખાના અને અન્ય અત્યાચારોમાંથી અસંખ્ય મહિલાઓને છોડાવીને સમાજમાં લાવ્યાં છે. તેમની આ પહેલ અસંખ્ય લોકોને સમાજ સેવાની નવી રાહ ચીંધશે.


નીચે આપેલી લીંક પર ક્લિક કરીને જોડાઓ VS24 News સાથે. 

👉 અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 👈

👉  વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.👈


નોંધ : આ વેબસાઇટ પર આપેલા તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો અન્ય સોર્સ ઉપરથી લીધેલી હોઈ શકે છે. અમારો પ્રયત્ન તમને સતત શ્રેષ્ઠ અને સચોટ માહિતી પહોંચાડવાનો છે અને આગામી સમયમાં પણ રહેશે. અમારું પેજ “VS24 News” પર સારા સારા સમાચાર મેળવતા રહો અને શેર કરતા રહો!

Leave a Reply

Your email address will not be published.